.gif)
 (1).png){kind=logo}
.png)
‘केन्द्र सरकारका नेतृत्वको आलोचना गर्ने रोग काठमाडौं महानगरबाट अन्यत्र पनि सरेछ’
२०८१ चैत ५ मंगलबार १७:१४ बजे
काठमाडौं । सत्तारुढ नेकपा एमालेका महासचिव शंकर पोखरेलले नेपाली समाज प्रशंसाको संस्कृतिबाट विमुख हुँदै गएको टिप्पणी गरेका छन् । आज (मंगलबार) बिहान सामाजिक सञ्जाल फेसबुकमार्फत उनले यस्तो बताएका हुन् । उनले केन्द्र सरकारको बजेटबाट सम्पन्न योजनाको फोटो राखेर स्थानीय जनप्रतिनिधिको प्रशंसा गर्ने प्रचलन रहेको बताए ।
उनका अनुसार यसअघि यस्तो प्रचलन काठमाडौं महानगरपालिकामा थियो । अहिले यो रोग अन्यत्र पनि सरेको उनको भनाइ छ । ‘केन्द्र सरकारको बजेट कार्यक्रमबाट सम्पन्न योजनाको फोटो राखेर सो ठाउँको स्थानीय जनप्रतिनिधिको प्रशंसा र केन्द्रीय सरकारका नेतृत्वको आलोचनाको रोग काठमाडौं महानगरबाट अन्यत्र पनि सरेछ ? जसको काम उसको प्रशंसाको संस्कृतिबाट किन विमुख हुँदैछ, नेपाली समाज ?’ उनले उल्लेख गरेका छन् ।
