.gif)
.png)
फलामको गेटले च्यापेर बालकको मृत्यु
२०८१ कार्तिक २ शुक्रबार १४:२० बजे
झापा । झापाको अर्जुनधारामा फलामको गेटले च्यापेर एक बालकको मृत्यु भएको छ । गए राति ८ बजेतिर अर्जुनधारा नगरपालिका– ६ निवासी सवनम मस्कराका छोरा २ वर्षीय छोरा शिवम मस्करालाई फलामको गेटले च्यापेर घाइते भएका थिए ।
आमा श्रेया अग्रवालसँग मामाघरमा गएको बेला फलामको गेटमा खेल्ने क्रममा गेट पल्टिएर च्याप्दा गम्भीर घाइते बालकको बी एण्ड सी अस्पताल बिर्तामोडमा उपचारको क्रममा शुक्रबार बिहान ज्यान गएको हो । बालकको बिहान ६ः१५ बजेतिर ज्यान गएको प्रहरीले जनाएको छ ।
