.gif)
.png)
रोहितकुमार पौडेल वर्षको उत्कृष्ट खेलाडी घोषित
२०८१ भदौ २८ शुक्रबार ०१:०७ बजे
काठमाडौं । राष्ट्रिय क्रिकेट टिमका कप्तान रोहितकुमार पौडेल वर्षको उत्कृष्ट खेलाडी बनेका छन् । नेपाल खेलकुद पत्रकार मञ्चको पल्सर स्पोर्टस् अवार्डको ‘प्लेयर अफ दि इयर’ शुक्रवार रोहितलाई प्रदान गरिएको हो । २०८० सालमा राष्ट्रिय तथा अन्तर्राष्ट्रिय प्रतियोगितामा गरेको प्रदर्शनन र नतिजाका आधारमा पौडेल वर्षको उत्कृष्ट खेलाडी घोषित भए ।
उनले पल्सर एनएस २०० मोटरसाइकल पुरस्कार पाए । रोहित क्यानडामा रहेकाले उनका आमा र दाजुले अवार्ड लिएका थिए । यो अवार्डका लागि रोहितसँगै फुटबलका अनन्त तामाङ, क्रिकेटका दीपेन्द्रसिंह ऐरी, करातेका मोहम्मद शेखु आलम र गल्फका सुवास तामाङ मनोनयनमा परेका छन् ।
