.gif)
.png)
एमालेले भन्यो-एसपीपी फिर्ता गरेको पत्रको प्रतिलिपी संसदलाई उपलब्ध गराइयोस्
२०७९ श्रावण १३ शुक्रबार १२:५४ बजे
काठमाडौँ । प्रमुख प्रतिपक्षी दल नेकपा एमालेका सांसद भीम रावलले स्टेट पार्टनरसीप प्रोग्राम (एसपीपी) अमेरिकी सरकारलाई फिर्ता पठाएको पत्रको प्रतिलिपी उपलब्ध गराउन माग गरेका छन् ।
आज (शुक्रबार) प्रतिनिधिसभाको वैठकमा बोल्दै सांसद रावलले नेपाल सरकारले पठाएको पत्रको प्रतिलिपी उपलब्ध गराउन माग गरेका हुन् । उनले भने, ‘नेपाल सरकारको तर्फबाट गएको पत्रको प्रतिलिपी संसदको सम्बन्धित ठाउँमा प्राप्त हुन्छ कि हुँदैन ? अमेरिकी सरकारलाई पठाइएको पत्रको प्रतिलिपी उपलब्ध गराइयोस् ।’
उनले नेपालको स्वाधिनता मन्त्री विशेष नभएको बताएका छन् । आजै संसदमा परराष्ट्रमन्त्री नारायण खड्काले एसपीपी सम्झौता अगाडि नबढाउने पत्र अमेरिकी सरकारलाई पठाइसकेको जानकारी गराएका थिए ।
