खाना पकाउँदै गर्दा सिलिण्डर बिष्फोट हुँदा एकको मृत्यु

---

नयाँ पेज

२०७९ असार ४ शनिबार १८:३० बजे

रौतहट । रौतहटमा ग्यास सिलिण्डर बिष्फोट हुँदा एक जनाको ज्यान गएको छ । मृत्यु हुनेमा रौतहटको गढीमाई नगरपालिका-१ समनपुर बस्ने बली सहनीकी ७० वर्षीया श्रीमती जसोधिया देवी रहेकी छन् ।

शनिबार बिहान करिब ८ बजे भान्छा कोठामा खाना पकाउने क्रममा ग्यास सिलिण्डर बिष्फोट भएको प्रहरीले जनाएको छ । उनको घटनास्थलमै मृत्यु भएको स्थानीयले बताएका छन् । घटनाको विषयमा अनुसन्धान भइरहेको जिल्ला प्रहरी कार्यालय रौतहटले जनाएको छ ।