नेकपा अध्यक्षमा माधवकुमार नेपाल

---

नयाँ पेज

२०७७ पौष ७ मंगलबार १४:१० बजे

काठमाडौं, ७ पुस । काठमाडौंमा जारी नेपाल कम्युनिष्ट पार्टी (नेकपा)को केन्द्रीय कमिटी बैठकले पार्टीको अध्यक्षमा वरिष्ठ नेता तथा पूर्वप्रधानमन्त्री माधव नेपालको नाम पारित गरेको छ । बैठकले प्रधानमन्त्री तथा अर्का अध्यक्ष केपी शर्मा ओलीलाई कारवाही गरेर पार्टी अध्यक्षबाट हटाउदै नेपाललाई अध्यक्ष बनाएको हो ।

मंगलबारबाट काठमाडौंको बबरमहलमा जारी कार्यकारी अध्यक्ष र वरिष्ठ नेता नेपाल समूहको बैठकले नेता नेपाललाई अध्यक्ष बनाएको हो । बैठकमा वरिष्ठ नेता झलनाथ खनालले स्थायी कमिटीको निर्णयअनुसार नेता नेपालको नाम अध्यक्षका रुपमा प्रस्ताव गरेका थिए ।

पार्टी प्रवक्ता नारायणकाजी श्रेष्ठका हाल कायम ४४६ सदस्यीय  केन्द्रीय कमिटि मध्ये ३ सय १५ जना केन्द्रीय सदस्य उपस्थित बैठकले नेपाललाई अध्यक्ष बनाएको हो ।

मंगलबार बसेको स्थायी कमिटीको बैठकले नेपाललाई केपी ओलीको स्थानमा अध्यक्ष बनाउने प्रस्ताव केन्द्रीय कमिटीमा लैजाने निर्णय गरेको थियो । केन्द्रीय कमिटीको बैठकले केपी ओलीलाई कारबाही गरी अध्यक्षबाट हटाउने निर्णय गरेलगत्तै नेपाललाई अध्यक्ष बनाउने प्रस्ताव पारित गरेको हो ।

भिडियाे