.gif)
 (1).png){kind=logo}
.png)
इनम सापकोटा प्रकरणपछि बिदामा बसे न्यायाधीश हरि फुयाल
काठमाडौं : इनम सापकोटा प्रकरणको विवादमा मुछिएपछि सर्वोच्च अदालतका न्यायाधीश हरि फुयाल विदामा बसेका छन् । उनी तिहार बिदापछि मात्रै अदालत फर्किने भएका छन् । उनले मंगलबारदेखि शुक्रबारसम्म बिदा लिएका छन् ।
न्यायाधीश फुयालले आगामी ३० कात्तिकमा अदालतमा हाजिर हुनेगरी बिदा लिएको सर्वोच्च अदालत प्रशासनले जनाएको छ । शुक्रबारपछि तिहार बिदा सुरु हुने भएकाले उनी तिहार बिदा सकिएपछि मात्रै अदालत फर्किनेछन् ।
उच्चपदस्थ अधिकारीहरूसँग सेटिङको प्रयास गरेको आरोपमा पक्राउ परेका इनम सापकोटासँग न्यायाधीश फुयालले होटल हिमालयमा भेटेको विवरण सार्वजनिक भएपछि उनी विवादमा तानिएका थिए ।
उक्त विवरण सार्वजनिक भएसँगै न्यायाधीश फुयालको भूमिकामाथि प्रश्न उठेको थियो । त्यसपछि उनले सापकोटासँगको भेटका कारण आफूले सुनुवाइ गरिरहेका विचाराधीन मुद्दाहरू प्रभावित नभएको स्पष्टीकरण दिएका थिए ।
