.gif)
 (1).png){kind=logo}
.png)
अखिल क्रान्तिकारीमा फेरि ‘लफडा’, माओवादी पदाधिकारी वैठक बोलाइयो
काठमाडौं । नेकपा माओवादी केन्द्र निकट विद्यार्थी संगठन अखिल क्रान्तिकारीको उमेर हदसम्बन्धी मतगणनामा पनि विवाद भएको छ । ३२ वर्षे उमेर हदको पक्ष र विपक्षमा पाँच मतको मात्रै फरक रहँदा पुनः विवाद भएको हो । पुनः विवादपछि माओवादी केन्द्रको पदाधिकारी बैठक डाकिएको छ । बैठक दिउँसो ३ बजे पार्टी अध्यक्ष पुष्पकमल दाहाल प्रचण्ड निवास खुमलटारमा बोलाइएको हो ।
उमेर हदको विषय टुंग्याउन शनिबार देशभर तोकिएको मतदान केन्द्रमा मतदान भएको थियो । तर, केही जिल्लाको परिणाम आउन थालेपछि उजुरी परेको भन्दै मतगणनाा स्थगन गरिएको छ । अखिल क्रान्तिकारीका उपाध्यक्ष पवन कार्कीका अनुसार मोरङ, डडेलधुरा लगायतका जिल्लामा मतदान नै हुन नसकेको र अरु कतिपय जिल्लामा गडबडी भएकाले त्यसको उजुरी निर्वाचन समितिमा परेपछि मतगणाना स्थगन भएको जानकारी दिए ।
‘बैतडी र बाजुरमा दुई जना मात्रै उपस्थित भएको तर भएभरका सबै प्रतिनिधिको मत हालेर पठाइदिएको, रुकुममा १०- १२ जना रुकुममा बाहिर रहे पनि उनीहरुको मत हालिएको, गुल्मीमा मत हाल्न नदिएको भनेर निवेदन आएको छ,’ कार्कीले भने, ‘त्यसउपर छानबिन गर्न माग गरिएको छ ।’
विद्यार्थी संगठनमा विवाद देखिएपछि त्यसबारे छलफल गर्न माओवादी केन्द्रले पदाधिकारी बैठक समेत बोलाएको छ । बैठक आजै दिउँसो ३ बजे बस्नेगरी बोलाइएको हो । यसअघि उमेरहद १८, २५, ३२ कति राख्ने भन्नेमा लामो समय विवाद हुँदा माओवादी केन्द्रले ३२ माथि मतदान गरेर जान निर्देशन दिएको थियो ।
