.gif)
 (1).png){kind=logo}
.png)
नेपाल एयरलाइन्सद्वारा जुम्लामा नियमित उडान शुरु
१६:५४ बजे
जुम्ला, १९ कात्तिक । नेपाल एयरलाइन्सले जुम्लामा नियमित उडान शुरु गरेको छ । एक महिनाभन्दा बढी समयदेखि रोकिएको उडान एयरलाइन्सले बिहीबारदेखि तालिका बनाएर पुनः नियमित गरेको हो ।
अब जुम्लामा सातामा दुई वटा उडान गर्ने नेपाल एयरलाइन्सले जनाएको छ । जुम्लामा सरकारी जहाज नआउदा र निजी जहाजकै भर पर्नुपर्दा यात्रुलाई निकै सकस भएको थियो ।
एक हप्ता अगाडि राष्ट्रिय मानवअधिकार आयोगको सहजीकरणमा जुम्लामा सरोकारवाला निकायबीच भएको छलफलमा हवाई उडानलाई व्यवस्थित र नियमित गर्ने सहमति भएको थियो ।
