बस त्रिशूलीमा खस्यो, ६ काे मृत्यु नौ घाइते
काठमाडौं: काठमाडौंबाट अर्घाखाँचीतर्फ गइरहेको यात्रुवाहक बस चितवनको फिस्लिङमा दुर्घटना भएको छ । बिहान ९ः३० बजे बस त्रिशूलीमा नदीमा खसेको हो ।
जिल्ला प्रहरी कार्यालय, चितवनले अर्घाखाँची जाँदै गरेको बस त्रिशूली नदीमा खसेको पुष्टि गर्दै विस्तृत विवरण आउन बाँकी रहेको जनाएको छ । दुर्घटनाको खबर पाएलगत्तै डीएसपी शिव शर्मा आचार्यको टोली अहिले उद्धारका लागि घटनास्थल पुगेको छ । ‘दुर्घटनामा ६ जनाको ज्यान गएको छ अन्य नौ जना घाइते भएका छन् । १५ जनाको जिवितै उद्धार गरेका छौं,’ डीएसपी आचार्यले भने, ‘बस पूर्णरुपमा डुबेको हुँदा उद्धारमा समस्या भएको छ ।’ दुर्घटनालगत्तै नेपाल प्रहरीसँगै सशस्त्र प्रहरी, नेपाली सेना र स्थानीय उद्धारमा जुटेका छन् ।
