अचानक ‘ब्याक’ भएको गाडीले किचेर युवकको मृत्यु

---

नयाँ पेज

२०८२ श्रावण ४ आइतबार १०:४२ बजे

दाङ । दाङको देउखुरीमा गाडीले किचेर एक जना युवकको मृत्यु भएको छ । लमही नगरपालिका–५ सुनखोलीका २१ वर्षीय राजेशकुमार बानियाँको आज विहान मृत्यु भएको जिल्ला प्रहरी कार्यालयका प्रहरी नायब उपरीक्षक चक्रबहादुर शाहले जानकारी दिए ।

आफ्नै घर अगाडि रोकिराखिएको लु ३ च ४८१४ नम्बरको पिकअप बोलेरोको टायरमा राखिएको टेको हटाउने क्रममा गाडी ‘ब्याक’ हुँदै आफै गुड्न थालेपछि गाडीले किच्दा बानियाँ गम्भीर घाइते भएका थिए । तत्काल लमही अस्पताल पुर्‍याए पनि उपचारका क्रममा चिकित्सकले मृत घोषणा गरेका थिए । घटनाको थप अनुसन्धान भइरहेको प्रहरीले जनाएको छ ।