.gif)
 (1).png){kind=logo}
.png)
पहिरोले घर पुरिँदा पति–पत्नी बेपत्ता, बुहारीले भागेर ज्यान जोगाइन्
२०८२ श्रावण ४ आइतबार ०८:०९ बजे
पर्वत । गए राति पर्वतमा पहिरोले घर पुरिँदा पति–पत्नी बेपत्ता भएका छन् । घटनामा उनीहरुकी बुहारीले भने भागेर ज्यान जोगाएकी छन् ।
मोदी गाउँपालिका–३ देउरालीको लाङ्दीमा गए राति आएको पहिरोले घर पुरिँदा स्थानीय ७६ वर्षीय छविलाल विश्वकर्मा र उनकी श्रीमती ७६ बर्षीया विष्णुमती बिक बेपत्ता भएका जिल्ला प्रहरी कार्यालय पर्वतका इन्सपेक्टर रामप्रसाद सापकोटाले जानकारी दिए ।
‘पहिरोले राति घर पुरिँदा पति–पत्नी बेपत्ता भएका र बुहारी ३२ बर्षीया पवित्रा बिकले भागेर ज्यान बचाएकी छिन्,’ इन्सपेक्टर सापकोटाले भने, ‘हाम्रो टोली उद्धारको लागि घटनास्थलतिर जाँदैछ ।’ रातिको घटना भएपछि आज बिहान मात्रै प्रहरीलाई जानकारी आएको उनले बताए ।
