.gif)
 (1).png){kind=logo}
.png)
निलम्बित प्रबन्ध निर्देशक पहाडीलाई अदालतले माग्यो दुई लाख धरौटी
२०८२ असार २४ मंगलबार २१:०८ बजे
काठमाडौं । नेपाल टेलिकमको निलम्बित प्रबन्ध निर्देशक संगीता पहाडीलाई दुई लाख रुपैयाँ धरौटीमा छाड्न विशेष अदालतले आदेश दिएको छ ।
विलिङ्ग सिस्टम अपग्रेड गर्ने कार्यमा भ्रष्टाचारको आरोप लागेका पहाडी मंगलबार बिहान अदालतमा हाजिर भएर बयान दिएपछि थुनछेक बहसपछि अदालतले यस्तो आदेश दिएको हो । न्यायाधीश तेजनारायण सिंह राई, रामबहादुर थापा र विदुर कोइरालाको इजलासमा बयान सकिएपछिको थुनछेक बहसपछि दुई लाख धरौटीमा रिहा गर्न आदेश गरिएको अदालतले जनाएको हो ।
पहाडी अदालतले माग गरेको धरौटी बुझाएर छुटिसकेकी छन् । पहाडीसहित १८ जनाविरुद्ध गत जेठ २५ गते अख्तियार दुरुपयोग अनुसन्धान आयोगले विशेष अदालतमा भ्रष्टाचारको मुद्दा दायर गरेको थियो । भ्रष्टाचार मुद्दा दायर भएसँगै पहाडी स्वतः निलम्बनमा परेकी छन् ।
