.gif)
 (1).png){kind=logo}
.png)
ट्रकले मोटरसाइकललाई ठक्कर दिँदा महिलाको मृत्यु, पुरुष घाइते
क्ञ्चनपुर । पूर्वपश्चिम राजमार्गअन्तर्गत कञ्चनपुरको शुक्लाफाँटा नगरपालिका–५ वन समितिमा आज (बिहीबार) ट्रकले मोटरसाइकललाई ठक्कर दिँदा एक महिलाको मृत्यु भएको छ भने पुरुष घाइते भएका छन्।
जिल्ला प्रहरी कार्यालय कञ्चनपुरका अनुसार बा०१००६ख ३५३७ नम्बरको ट्रकले म १ प ४६५८ नम्बरको मोटरसाइकललाई पछाडिबाट ठक्कर दिँदा मोटरसाइकलमा सवार भीमदत्त नगरपालिका–१८ की ३० वर्षीया निर्मला बोहराको मृत्यु भएको हो ।
ट्रकको ठक्करबाट गम्भीर घाइते भएकी बोहराको उपचारका क्रममा महाकाली प्रादेशिक अस्पतालमा मृत्यु भएको हो। पूर्वपश्चिम महेन्द्र राजमार्गमा बा०१००६ख ३५३७ नम्बरको ट्रकले म १ प ४६५८ नम्बरको मोटरसाइकललाई पछाडिबाट ठक्कर दिएको थियो । दुर्घटनामा परेर मोटरसाइकल चालक भीमदत्त नगरपालिका–१८ का ३० वर्षीय महिमान विष्ट घाइते भएका छन् । उनको हातमा चोट लागेको छ । ट्रक चालकलाई नियन्त्रणमा लिइएको प्रहरीले जनाएको छ ।
