.gif)
.png)
बाढी–पहिरो र डुबान : मृत्यु हुनेको संख्या १४८ पुग्यो, अझै ५५ जना बेपत्ता
२०८१ असोज १३ आइतबार १९:१० बजे
काठमाडौं । बिहीबारदेखि परेको लगातारको वर्षापछि आएको बाढी, पहिरो र डुबानमा परेर मृत्यु हुनेको संख्या १४८ पुगेको छ । शुक्रबार आएको बाढी–पहिरोमा मृत्यु हुनेको संख्या १४८ पुगेको नेपाल प्रहरीले जनाएको छ ।
त्यस्तै ५५ जना अझै बेपत्ता रहेको र उनीहरूको खोजी जारी छ । यसैबीच नेपाल प्रहरी, सशस्त्र प्रहरी र नेपाली सेनाको टोलीले ३ हजार ६६१ जना भन्दा बढीको उद्धार गरेको छ । उद्धारको क्रममा १०१ जना घाइते समेत छन् । विभिन्न ठाउँबाट नेपाली सेनाको हेलिकप्टरमार्फत पनि उद्धारको काम भइरहेको छ ।
त्यस्तै मुख्य राजमार्गहरू अझै अवरूद्ध नै छन् । काठमाडौं भित्रिने नाका पृथ्वी राजमार्गस्थित धादिङको झ्याप्ले खोलामा पहिरो जाँदा अवरूद्ध छ । त्यहाँबाट मात्रै दुई दिनमा ३५ जनाको शव फेला परेको हो । त्यहाँ चार वटा गाडी पहिरोमा पुरिएका हुन् ।
