युरोकप : आज राति दुई खेल, जर्मनीले डेनमार्कको सामना गर्दै
काठमाडौं । जर्मनीमा जारी युरोकप फुटबल प्रतियोगिताअन्तर्गत आज (शनिबार) राति दुई खेल हुने तालिका रहेको छ । प्रतियोगिताअन्तर्गत अन्तिम १६ का दुई खेल हुने भएका हुन् ।
पहिलो खेल स्विट्जरल्यान्ड र इटालीबीच हुने तालिका रहेको छ । स्विट्जरल्यान्ड र इटालीबीचको खेल नेपाली समयअनुसार आज राति ९ः४५ बजेबाट सुरु हुने तय भएको छ । दोस्रो खेल जर्मनी र डेनमार्कबीच हुने तालिका छ । आयोजक जर्मनी र डेनमार्कबीचको खेल नेपाली समयअनुसार राति १२ः४५ बजेबाट सुरु हुनेछ ।
