.gif)
.png)
भरतपुर अपडेट : विजय र रेणुको कडा टक्कर
चितवन । चितवनको भरतपुर महानगरपालिकामा सत्ता गठबन्धनकी उम्मेदवार रेणु दाहाल र एमालेका उम्मेदवार विजय सुवेदीबीच कडा टक्कर देखिएको छ । सोमबार बिहान सवा ५ बजेको परिणाम अनुसार ९,३७० मत गणना हुँदा सुवेदीले ३,३२४ मत पाएका छन् ।
दाहालले ३,३०६ मत पाएकी छन् । बागी उम्मेदवार जगन्नाथ पौडेलले १,१८७ मत पाएका छन् । यस्तै उपमेयरमा कांग्रेसका चित्रसेन अधिकारीले अग्रता कायमै राखेका छन् । उनी ३,६८८ मतसहित अगाडि हुँदा राप्रपाकी हिमला गुरुङले २,६५० मतसहित पछ्याइरहेकी छन् ।
मतको ट्रेन्ड हेर्दा सत्ता गठबन्धका अन्य उम्मेदवारले शतप्रतिशत प्यानल मत पाएको देखिन्छ । वडा नम्बर १ मा निर्वाचित कांग्रेस वडाध्यक्षले १,३९७ मत पाएका थिए भने वडा नम्बर २ मा कांग्रेसबाटै निर्वाचित वडाध्यक्षले २,१०५ मत पाएका छन् । यो जोड्दा ३,५०२ मत हुन्छ ।
उपमेयरमा कांग्रेसका चित्रसेन अधिकारीले ३,४९८ मत पाएका छन् । अर्थात वडाध्यक्षले पाएको मतभन्दा चार मत मात्रै कम पाएका छन् । तर सोही अनुपातमा रेनुले भने मत पाएकी छैनन् ।
