निर्वाचन अब कसैले पनि चाहेर रोक्न नसक्ने : नेता नेम्वाङ

प्रकाशित मिति :2017-04-21 19:53:59

काठमाडौँ: नेकपा (एमाले)का संसदीय दलका उपनेता सुवास नेम्बाङले स्थानीय तहको निर्वाचन हुँदैन कि भनेर कोही पनि अन्योलमा नरहन आग्रह गरेका छन् ।

शुक्रबार एमाले ताप्लेजुङ काठमाडौँ सम्पर्क मञ्चले यहाँ नयाँ वर्ष २०७४ सालको अवसरमा आयोजित शुभकामना आदानप्रदान तथा स्थानीय तहको निर्वाचनको सन्दर्भमा आयोजित कार्यक्रममा उनले तोकिएको समयमा नै निर्वाचन हुन्छ निर्वाचन अब कसैले पनि चाहेर रोक्न नसक्ने दाबी गरे ।

उनले मुलुकभर निर्वाचनको वातावरण बनिसकेको बताउँदै निर्वाचन नभए जनताले नै सरकारको प्रतिकार गर्ने धारणा राखे ।पूर्व सभामुखसमेत रहनुभएका नेता नेम्बाङले मधेसी मोर्चा निर्वाचनका सन्दर्भमा गरेको आन्दोलनको तुक नभएको भन्दै त्यसले निर्वाचनमा कुनै असर नपर्ने बताए। उनले निर्वाचनमा पार्टी एक ढिक्का लागेर लाग्ने भन्दै पार्टीले गुटउपगुटलाई नहेरी सक्षम र योग्यलाई उम्मेदवार बनाउने जानकारी गराए ।

 

    Comment Here!


समाचार

©2016 | All rights reserved by Nayapage.com
Do not use or reproduce videos, photos and other materials without authorized permission

Designed By: Turup sangroula