काठमाडौंबाट धनगढी जाँदै गरेको बस दुर्घटना, १४ जना घाइते
कपिलवस्तु, वैसाख १४ । काठमाडौंबाट धनगढी जाँदै गरेको ना ७ ख ५१८७ नम्बरको बस पूर्व–पश्चिम राजमार्गअन्तर्गत वाणगंगा नगरपालिकाको चप्परगाँंउमा दुर्घटना भएको छ ।
दुर्घटर्नामा परी बसमा सवार १४ यात्रु घाइते भएको प्रहरीले जानकारी दिएको छ । घाइते सबैको स्थानीय सामुदायिक अस्पतालमा उपचार भइरहेको छ ।
घाइते सबैको अवस्था सामान्य रहेको प्रहरीले जनाएको छ । बसको गियर बक्स बिग्रेका कारण बस दुर्घटनामा परेको प्रहरीले जनाएको छ । बस अनियन्त्रित भई ५० फिट दक्षिण सडक किनारमा पल्टेको छ ।
