नेपाल सेमिफाइनलमा, डिफेन्डिङ च्याम्पियन भारत बाहिरियो
काठमाडौं: उन्नाइस वर्षमुनिको एसिया कप क्रिकेटमा नेपाल सेमिफाइनलमा प्रवेश गरेकाे छ । मंगलबार भएको बंगलादेश र भारतबीचकाे खेलमा भारत पराजित भएसँगै नेपाल सेमिफाइलनमा प्रवेश गरेकाे हाे । मंगलबारै भएकाे समूह चरणकाे खेलमा नेपालले घरेलु टोली मलेसियामाथि ८ विकेटको शानदार जित निकालेकाे थियाे ।
खेलमा नेपालले मलेसियालाई साथै बंगलादेशले भारतलाई पराजित गरेपछि सेमिफाइनल समीकरण पूरा भएको छ । समूह ‘ए’ को उपविजेता नेपाल सेफिफाइलनमा प्रवेश गरेकाे छ भने बंगलादेश विजेता भएर प्रवेश गरेकाे हाे । नेपालले समूह ‘बी’ को विजेता अफगानिस्तानसँग आउँदो शुक्रबार खेल्नेछ । समूह ‘बी’ बाट अफगानिस्तानसँगै पाकिस्तान सेमिफाइनलमा पुगेकाे छ ।
नेपालले मलेसियालाई ८ विकेटले पराजित गरेको हो । नेपालले मलेसियाले दिएको ४६ रनको लक्ष्य नेपालले २ विकेट गुमाएर ५.३ ओभरमै पूरा गर्दे हराएकाे हाे । यसअघि नेपालले आइतबार भारतलाई पराजित गरेको थियो । मंगलबार बंगलादेशसँग पराजित भएपछि डिफेन्डिङ च्याम्यिन भारत समूह चरणबाटै बाहिरिएको छ ।
समूह ‘ए’ काे अंक तालिकाको शीर्ष स्थानको बंगलादेशले तीन खेल जित निकाल्दै ६ अंक जोडेको छ। नेपालको दुर्इ खेल जित्दै ४ अंक भएको छ। भारतको २ अंक बटुलेको छ।