जिसस महोत्तरीमा राजपा नेपाल र संघीय समाजवादी फोरम विजयी
गौशाला: जिल्ला समन्वय समिति महोत्तरीको निर्वाचनमा राष्ट्रिय जनता पार्टी नेपाल र संघीय समाजवादी फोरम नेपालको गठबन्धन विजयी भएको छ ।
मुख्य निर्वाचन अधिकृत ब्रजेश प्याकुरेलका अनुसार बुधबार सम्पन्न जिल्ला समन्वय समिति महोत्तरीको निर्वाचनमा जिसस महोत्तरीको प्रमुख पदमा राजपा नेपालका सुरेशप्रसाद सिंह १६ मत ल्याएर विजयी भएको छ ।
त्यस्तै उपप्रमुख पदमा गठबन्धनका संघीय समाजवादी फोरम नेपालका सुरेश यादव १८ मत ल्याएर विजयी हुनुभएको छ । महिला सदस्यहरूमा राजपा नेपालका पुनम देवी साह १७, ललिताकुमारी महासेठ १६ र रीता देवी १६ मत ल्याएर विजयीभएका छन् ।
त्यस्तै अन्य सदस्यहरूमा राजपा नेपालकै सरयुग यादव २०, कामेश्वर साह १७ र सुदिपकुमार झा १७ मत ल्याएर विजयी हुनुभएको छ । निर्वाचनमा प्रमुख पदमा नेपाली काँग्रेसका कालिकान्त झाले चार र नेकपा (माओवादी केन्द्र)का सूर्यनारायण साहले आठ मत पाएका थिए । रासस
