पहिचानको मुद्दा नछाड्ने प्रचण्डले दिए किरातीलाई आश्वासन
काठमाडौं : नेकपा (एमाले) र नयाँशक्तिसँग आसनन चुनावमा तालमेलसँगै पार्टी एकताका प्रक्रियामा अगाडि बढेका माओवादी केन्द्रले हुँदा माओवाद र पहिचानको मुद्दा नछाड्ने बताएका छन् ।
सोमबार पेरिसडाँडामा बसेको सचिवालयको बैठकमा अध्यक्ष प्रचण्डले माओवाद र पहिचानको मुद्दा नछाडिने आश्वासन दिएका हुन् ।
एमालेसँग पार्टी एकता गर्ने प्रचण्डको निर्णयप्रति विरोध जनाएका गोपाल किराती र मातृका यादवले विरोध जनाएका थिए । प्रचण्डको आश्वासनपछि किरातीले माओवादी केन्द्रबाट तत्काल विद्रोह नगर्ने प्रतिवद्धता जनाएका छन् । किरातीले पार्टीबाट विद्रोह गर्ने चेतावनी प्रचण्डलाई दिएका थिए भने यादवले चाहिँ असन्तुष्टिका बावजुद विद्रोह नगरी अन्तरसंघर्ष चलाउने बताउँदै आएका थिए ।